O COETG participou na Asemblea xeral ordinaria do Cluster TIC Galicia
O Colexio Oficial de Enxeñeiros de Telecomunicación de Galicia (COETG), membro activo do Clúster TIC Galicia, participou na asemblea xeral ordinaria deste organismo, que tivo lugar o pasado xoves 17 de xuño, no salón de actos do Centro Social Caixanova, en Santiago de Compostela.

Durante a convocatoria, á que asistiron as entidades participantes, aprobouse o informe de xestión, ratificouse a incorporación de novos membros, co que o Clúster pasa a estar formado por 104 integrantes e activouse o plan operativo anual e o presuposto e contas para este ano 2010.

Así mesmo tamén se aprobou a creación dun plan que permitirá atraer inversións nos sectores TIC, comprometéndose a captar 20 millóns de euros en catro anos, traballando cos fondos e sociedades de capital risco e coas axencias públicas de promoción económica.

Data noticia: 22-06-2010