Sistemas de Protección contra o Raio no marco do Código
Técnico da Edificación, DB-SU-8
A Asociación de Enxeñeiros de Telecomunicación de Galicia (AETG) celebrou onte unha xornada formativa sobre as novas medidas de seguridade para a protección integral contra os raios, obrigatorias trala entrada en vigor do novo Código Técnico de Edificación (CTE).

A conferencia-coloquio foi impartida polo enxeñeiro do departamento técnico de Aplicaciones Tecnológicas S.A., Ricardo de Vega, compañía referente na revisión, instalación e comercialización de sistemas de protección contra o raio, no Centro On de Caixa Galicia, en Santiago de Compostela.

Durante o transcurso da xornada formativa, o relator incidiu especialmente no procedemento de verificación e no tipo de instalación esixida; analizando as características dos sistemas e as súas aplicacións na edificación, así como os ensaios esixidos polas normativas actuais.

Data noticia: 28-05-2010